ამინდის პროგნოზი

"მადლობა ყველას, მე რომ დღეს ცოცხალი ვარ - თქვენი დამსახურებაა!"

 
05 March, 2017   3 წელი 10 თვის წინ
 
3152

თოქ-შოუ „პროფილის“ წამყვანი მაია ასათიანი საზოგადოებას თანადგომისთვის მადლობას უხდის. 

"სიტყვები არ მყოფნის, როგორ გადაგიხადოთ მადლობა ასეთი თანადგომისთვის! ყველას, ჩემს საოცარ მეგობრებს ერთი წუთით მარტო რომ არ მტოვებდნენ, ჩემს კოლეგებს ვისი გვერდში დგომაც არნახულ ძალას მმატებდა, უნიკალურ ადამიანს თეა გვარამიას, რომ არა ის - მე არ ვიქნებოდი! ჩემი შვილის მეგობრებს თბილისში და მეგობრებს საფრანგეთში, ნუცასთან რომ გაატარეს ყველაზე რთული წუთები, საოცარ გოგოს მარიამ გეგუჩაძეს და მის დედას ნანუკას, ცოცხალი რომ ჩავედი პარიზში, ამ პატარა გოგოს დამსახურებაა! საქართველოს საელჩოს საფრანგეთში ეკა სირაძე-დელონეს, გოჩა ჯავახიშვილს, ნამდვილი მშობლებივით რომ ადგნენ ჩემს შვილს თავზე, მამა ანტონს - ჩემი გადარჩენისთვის! საქართველოს ავიახაზებს, საფრანგეთის კონსულს საქართველოში, ბატონ გიორგი კვირიკაშვილს! ჩემს "რუსთავი 2"-ს - უთქვენოდ მე მოვკვდებოდი! არნახული შინაგანი სიძლიერის კაცს, რომლის მსგავსს არასოდეს შევხვედრივარ - ნიკა გვარამიას, მან ყველაფერი გააკეთა ჩემთვის და ჩემი შვილისთვის! და რაც მთავარია, ჩემს მაყურებელს, ჩემი მწუხარების გაზიარებისთვის! მადლობა ყველას, მე რომ დღეს ცოცხალი ვარ - თქვენი დამსახურებაა!", - აღნიშნულია მიმართვაში, რომელიც თოქ-შოუ „პროფილის“ ფეისბუქგვერდზე გამოქვეყნდა.