ამინდის პროგნოზი

სასჯელაღსრულების სამინისტროსა და პარლამენტის ბიბლიოთეკას შორის ურთიერთთანამშრომლობის მემორანდუმი გაფორმდა

 
04 May, 2017   3 წელი 5 თვის წინ
 
320

სასჯელაღსრულებისა და პრობაციის სამინისტროსა და საქართველოს პარლამენტის ეროვნულ ბიბლიოთეკას შორის ურთიერთთანამშრომლობის მემორანდუმი გაფორმდა. დოკუმენტს ხელი სასჯელაღსრულებისა და პრობაციის მინისტრის მოადგილე ზვიად მიხანაშვილმა და საქართველოს პარლამენტის ეროვნული ბიბლიოთეკის გენერალურმა დირექტორმა გიორგი კეკელიძემ მოაწერეს.

სასჯელაღსრულების სამინისტროს ინფორმაციით, ურთიერთთანამშრომლობის მემორამდუმის მიზანს სასჯელის სახით დანიშნული/შეცვლილი საზოგადოებისათვის სასარგებლო შრომის აღსრულების და მსჯავრდებულთა რეაბილიტაციის ხელშეწყობა წარმოადგენს.

მემორანდუმით გათვალისწინებულია ეროვნული ბიბლიოთეკის მიერ, შესაძლებლობების ფარგლებში, სამინისტროს მმართველობის სფეროში მოქმედი „არასაპატიმრო სასჯელთა აღსრულებისა და პრობაციის ეროვნული სააგენტოს“ მიმართვის საფუძველზე, მსჯავრდებულთათვის საზოგადოებისათვის სასარგებლო შრომის აღსრულების მიზნით, შესაბამისი ადგილების გამოყოფის უზრუნველყოფა.

სასჯლაღსრულებისა და პრობაციის მინისტრის მოადგილე ზვიად მიხანაშვილის განცხადებით, ეროვნულ ბიბლიოთეკაში იგეგმება ულტრათანამედროვე ოთახის შექმნა,  სადაც პრობაციონერები დასაქმდებიან. „გარდა ამ პროექტისა უახლოეს მომავალში დაგეგმილია დაწესებულებათა ბიბლიოთეკების კიდევ უფრო კეთილმოწყობა და წიგნების შეტანა, რაშიც   ეროვნული ბიბლიოთეკაც  გვიჭერს მხარს,“ - განაცხადა ზვიად მიხანაშვილმა.

საქართველოს პარლამენტის ეროვნული ბიბლიოთეკის გენერალური დირექტორის, გიორგი კეკელიძის თქმით, ბიბლიოთეკაში დასაქმება პრობაციონერებს სხვადასხვა საჭირო უნარებს, ჩვევებსა და ცოდნას შესძენს.„ეროვნული ბიბლიოთეკის განახლებულ კორპუსში გვსურს, შევქმნათ „თავისუფლების ოთახი“, სადაც პრობაციონერები ერთი მხრივ, შესასრულებელ სამუშაოს გასწევენ და მეორე მხრივ, მიიღებენ შესაბამის განათლებას,  რომელიც სამომავლოდ გამოადგებათ.  ვფიქრობ, ეს პროექტი ნამდვილად იქნება საეტაპო,“ - აღნიშნა გიორგი კეკელიძემ.

სამინისტროსა და ეროვნულ ბიბლიოთეკას შორის გაფორმებული ურთიერთთანამშრომლობის მემორანდუმი ძალაში დღეიდან შევა და 2018 წლის მაისამდე იმოქმედებს.

 

"ყველა წამისთვის!“ – ეროვნული სკრინინგ ცენტრი და მედიაჰოლდინგი „კვირა“ სოციალურ პროექტს იწყებენ

 
06 April, 2017
 
298
 

სასჯელაღსრულებისა და პრობაციის სამინისტრომ სოციალური მუშაკები დააჯილდოვა

 
21 March, 2017
 
294
 

ზვიად მიხანაშვილი „ნარკოტიკული საშუალების მოხმარების გამომწვევი მიზეზების კვლევის შედეგების“ პრეზენტაციას დაესწრო

 
20 March, 2017
 
305
 

სასჯელაღსრულებისა და პრობაციის მინისტრის მოადგილემ მსჯავრდებულ ქალბატონებს 8 მარტი მიულოცა

 
08 March, 2017
 
428
 

სასჯელაღსრულებისა და პრობაციის სამინისტროს საკანონმდებლო ცვლილებათა პაკეტს ევროპასთან ინტეგრაციის კომიტეტმა მხარი დაუჭირა

 
20 February, 2017
 
179
 
ყველა მსგავსი სიახლე