ამინდის პროგნოზი

29 სექტემბრის 12.00 საათის მონაცემებით, კახეთის რეგიონში 84 ათასი ტონა ყურძენია გადამუშავებული

 
29 September, 2015   5 წელი 3 დღის და წინ
 
333

29 სექტემბრის 12.00 საათის მონაცემებით, კახეთის რეგიონში გადამუშავებულია 84 ათასი ტონა ყურძენი.ყურძნის რეალიზაციის შედეგად მიღებულმა შემოსავლებმა რეგიონში 52 მლნ ლარს მიაღწია. ღვინის კომპანიებს ყურძენი  11 ათასამდე მევენახემ ჩააბარა.

გადამუშავებულია რქაწითელი - 39,5 ათას ტ., საფერავი - 33,5 ათას ტ., 2 ათას ტონამდე კახური მწვანე და 9 ათას ტონამდე სხვა ჯიშის ყურძენი.

ყველაზე დიდი რაოდენობით ყურძენი გადამუშავდა გურჯაანის მუნიციპალიტეტში - 29 ათას ტონამდე. დანარჩენი მუნიციპალიტეტების მონაცემებია: თელავი - 17,5 ათასი ტ., ყვარელი - 15,5 ათასი ტ., სიღნაღი - 7,3 ათას ტ., ლაგოდეხი- 6,7 ათასი ტ., საგარეჯო - 3,5 ათასი ტ., ახმეტა - 2,2 ათასი ტ. და დედოფლისწყარო - 2,1 ათასი ტონა. 

ამ ეტაპზე გადამუშავების პროცესში ჩართულია 67 კერძო და  სახელმწიფოს მიერ დაქირავებული 18 ღვინის საწარმო.

რთველის მიმდინარეობის შესახებ მოსახლეობის ინფორმირების მიზნით, მუშაობას განაგრძობს ცხელი ხაზი 2 47 01 01 და სპეციალური ინტერნეტ საიტი www.rtveli2015.gov.ge.